diehaititheoliturgiesacrements.blogspot.com

Homélie du père Diesel Phat pour le 3 e  dimanche de Pâques de l’année B. Dimache 18 avril 2021, pawas sent Mari Madlèn, Sibè.   1. Dimanch sa nou ta kapab rele l « dimanch temwayaj ». Liv Travay Apot yo (premyè lekti a) rapòte nou diskou Apot Pyè : li temwaye sa l te wè. Li fenk sot geri yon nonm paralize ki tap mande lacharite devan pòt tanp la, sa yo rele Bèl Pòt la. Li pale ak foul la ki te anvayi ak sezisman poutèt sak sot pase a. Li eksplike yo kouman se pa ak pwòp fòs li li te opere gerizon an. Se Jezi ki mouri e ki leve byen vivan an ki prensipal aktè nan sak sot fèt la. Jezi sa yo te rejte a li resisite. Pyè ak zanmi l yo sèvi l temwen. Premyè ijans se pou chak moun vire do bay tout vye bagay nou konn fè, pou chak moun pran chemen konvèsyon epi tounen vin jwenn Bondye.    2. Se yon apèl enpòtan pou nou jodi a. Pou tout moun kap fè sa ki mal chanje kè yo, kite sa ki mal la, pran chemen konvèsyon, kase tèt tounen vin jwenn Bondye. Se yon mesaj k...

Homélie pour la fête de sainte Thérèse de l’Enfant Jésus Lilavois, vendredi 1 er  octobre 2021. Père Diesel PHAT   1.  Jodi a se 1 e  oktòb, nou rasanble pou nou fè lwanj ak konpliman pou Granmèt la nan okazyon fèt Sainte Tthérèse de l’Enfant Jésus et de la Sainte Face. Nou konnen, Sent Terèz se patwòn pawas la isit nan Lilavwa. Sa vle di, nan nivo espirityèl, se nan men Sent Terèz, Granmèt la remèt pawas sa a pou li akonpaye nou, kondui nou, ban nou pwoteksyon. An menm tan, li se modèl pou nou. Nan fèt jodi a, atravè egzanp lavi Sent Terèz ki reyone grandè nanm, imilite ak dousè, nou vin dekouvri pi plis kouman Bondye Papa a « fè gen yon foul pitit limyè ki leve kanpe pou lavi ki pap janm fini an » e kouman nan sans sa tou, se li « ki vin louvri pòt syèl yo pou fidèl yo kapab antre » (2 e  prefas paskal la), epi montre jan li ekstrawòdinè paske se li ki Sèl Sen. Li fè moun li kreye a patisipe nan pwòp lavi pa li. Nan sans sa, sen yo se sekou...